面對陽光與海灘的Eunis，立即Relax一番。

名模陳嘉容（Eunis）早前與男友到泰國布吉旅行，享受一個浪漫悠閒的5天假期，Eunis說：「我去過布吉無數咁多次，真係好鍾意呢個地方，陽光與海灘夠晒Relax，又有我鍾意食嘅泰國菜，我日日狂食都唔驚肥，因為我有做運動，有游水。我係超級冬蔭功迷，餐餐食都唔厭，我哋仲食咗好多海鮮，好似燒魚、咖喱炒蟹，全部都好新鮮好好味。我喺當地會着比堅尼，唔會有人望或者指指點點，感覺好自在。今次旅程最難忘係我同男友參加咗當地嘅一日Tour，第一次扒獨木舟，入山洞睇蝙蝠，山洞入面好黑，要用電筒先睇到嘢。到咗夜晚，我哋每個人都要用蕉葉摺隻船仔，再放個花球同蠟燭上去，然後就對住隻船仔許願，都幾浪漫o架！」

面對陽光與海灘的Eunis，立即Relax一番。

Eunis在布吉歎美食兼到山洞睇蝙蝠，十分過癮。

Eunis用蕉葉摺船仔，然後再放上花球及蠟燭許願。