何哲圖（左起）和陳淑芬陪欣宜出席拜神儀式。

沈殿霞（肥姐）愛女鄭欣宜昨午以全黑Look出席演唱會拜神，身為基督徒的她未有上香，只切燒豬，並在星煥老闆何哲圖（Herman）及陳淑芬陪同下受訪。欣宜透露有一Part分享與母親的生活點滴：「綵排時喊咗幾次，希望今晚忍得到。」又稱身在加拿大的親戚取消去旅行，專程來港睇騷，令她感動！

何哲圖（左起）和陳淑芬陪欣宜出席拜神儀式。

欣宜又強調父親鄭少秋身在外地未能捧場：「之前食飯佢都有問我準備成點，又話佢有咩可以幫手，如果要人，佢可以借助手畀我。（打氣短訊？）前日同尋日都有打畀我，成家人輪住喺電話支持我。」

對於傳將鼻子整直，欣宜說：「係咩？Thank You，值得開心，如果有整一定介紹畀大家認識。（接受整容？）依家未有需要，可能老咗會整眼袋。（同門師妹吳若希亦傳整容？）唔覺，我覺得佢大個女咗同瘦咗。」而Herman強調旗下藝人天生麗質，不用整容。