腰傷未愈的子珊穿高跟鞋赴會，「峰」騷晒胸前大痣，不過只能慢慢行兼要人扶住。

藝人徐子珊早前因穿高跟鞋而不慎跌倒弄傷腰骨，前晚她出席活動時行動緩慢，需要助手攙扶，但仍穿上五吋高跟鞋，還低胸上陣露出胸前的一「點」，愛靚唔愛命！

腰傷未愈的子珊穿高跟鞋赴會，「峰」騷晒胸前大痣，不過只能慢慢行兼要人扶住。

黃宗澤談到與林穎彤傳緋聞，「得啖笑」！

黃伊汶與陳嘉容不約而同大露背現身。

陳嘉容

方中信簡單西裝Look，不失型格。

前晚徐子珊現身活動，其他出席嘉賓包括黃宗澤、方中信、黃伊汶及名模陳嘉容等。子珊穿上超Deep V裙現身，中門大開，十分性感，更露出胸口一顆大痣，她笑說：「佢間中都會出嚟同大家Say Hi，我做足晒安全措施㗎喇！」早前她穿上高跟鞋跌倒弄傷「大陣」尾龍骨，現場所見她似乎還未康復，出入也需要助手攙扶，且走得很慢，她說：「已經復工幾日，繼續拍緊《My盛Lady》！第一日好痛，第二日彎腰都痛，到依家大郁都唔得，不過大家對我好好，入廠拍嘢即刻拉開晒啲電線。」

黃宗澤賺「快錢」買樓

現時仍要看骨科醫生的她，卻竟然未有收斂，穿上五吋高跟鞋到場，絕對是愛靚唔愛命的典範！她說：「女仔好難唔着高踭鞋，但身體都要緊。（驚唔驚影響生育？）未諗到咁嚴重，每日都要開工，我驚睇專科，我怕痛！」

此外，黃宗澤被問到傳撻着女藝員林穎彤，他認為是炒作新聞，也沒致電對方談論，揚言「毋須理會」。提到林峯被苑瓊丹爆一套劇賺逾千萬元，他笑說：「我冇咁多，不過我接戲係睇劇本，唔係睇錢！手上都有六、七套劇本睇緊，但唔會全部接晒，會揀選，我都想快啲賺到錢買複式樓。」