DaDa奪女配阿媽嚇呆

「爆炸糖」陳靜（DaDa）憑電影《低俗喜劇》首次提名即奪金像女配角，她在慶功宴上指獲獎屬意外：「冇諗過但有期待，一路有朋友話對我有信心，有姊妹一直陪住我，令我有待嫁嘅心情，到目前為止重要過將來結婚嗰日。」DaDa奪獎，成功擺脫模形象，她說：「好開心行到屬於自己嘅路。（唔再性感？）我冇諗過，會努力演好角色，做好本分。（加價？）呢啲要問經理人。」她又透露媽媽在台下驚見她得獎而嚇到呆咗。

同樣憑《低》片獲「最佳男配角」的鄭中基（Ronald），前晚與太太余思敏出席大會慶功宴，期間更咀嘴大晒恩愛，對於與楊千嬅的舊情被擺上枱，Ronald表示不介意：「大家都係爹哋媽咪，玩咪玩囉，係唔好意思啫，因為千嬅致謝時推我出嚟，家棟又講嘢，Cut咗千嬅講嘢，老婆冇詐型（台上只同千嬅握手？）人哋條裙咁靚，攬皺條裙就唔好。（感觸？）都開心。」他又指要看太太意願，才考慮會否再生BB。出席完大會的慶功宴後，他便趕到太陽娛樂文化的慶功宴，連踩兩場。