葉蒨文攝車罅 阿Lam讓座

葉蒨文（沙麗）與林子祥（阿Lam）前晚拍拖到銅鑼灣一間高級意大利餐廳撐枱腳，醫肚後，穿上白色情侶裝的二人推門步出，見到記者拍照，即笑到見牙唔見眼，任影唔嬲。問到可有特別事慶祝？二人笑而不答，其後沙麗與阿Lam各在左、右兩邊上車，原本想從右邊上車的沙麗，因其座駕停得太貼其他車，只開到一條門罅，沙麗用盡辦法都未能登上座駕，場面有點尷 尬，最終要兜去左邊門上車。已在車內的阿Lam盡顯風度讓座給老婆，之後由司機接載離開。