方中信甩鞋底（火羅）爆撲「水」

方中信及吳家樂經常與新郎黃長興玩電單車，今次老友結婚，二人特別跟隨新郎率領的車隊巡遊。有型佬之稱的方中信原本駕着電單車型爆尖沙咀，卻在巡遊中甩鞋底而被朋友取笑，他事後亦自嘲瘀爆：「好大鑊！今次真係失策！因為電單車對Boot幾個月冇着，所以着出嚟就甩咗一半鞋底，班兄弟咪幫我買膠水，原本好型，依家畀人笑到嘴都歪，等膠水期間，朋友猛咁影我仲周圍發微信，一個知就全世界都知，好鬼死肉酸！（送咩畀新人？）Cash啦！」至於擔任伴郎的是長興胞弟長發，而兄弟團則有王浩信、袁偉豪及蕭正楠等，他們都有參與接新娘遊戲，但王浩信因前一晚開夜而「申請」遲來，當得知開門利是只需6,900元時即笑指「好抵」：「咁抵？我結婚時貴好多！」