胡定欣熱爆女配 陳國邦傳獲欽點

無綫《萬千星輝頒獎典禮2012》「最佳男／女配角」獎項爭持激烈，有傳陳國邦獲高層欽點奪「男配角」，而胡定欣則是「女配角」大熱。

陳國邦憑台慶劇《大太監》提名「最佳男配角」，國邦演「三順」爐火純青，演技可與古明華一較高下，近日更有傳他獲高層欽點奪「男配角」，臨近頒獎禮國邦談到心情時說：「都唔會好緊張，自己心情好平靜。（如果得獎點樣慶祝？）冇諗過，只係諗過如果真係得獎，我要講啲乜。」今年對攞獎多了幻想的他笑言若得獎，第一時間想與老婆羅敏莊及囡囡食飯慶祝。

學懂放低

國邦雖然有信心，但都睇好古明華：「好似發哥（周潤發）咁講，是但一個啦！（覺得除咗你，佢係最好？）唔係，只不過其他對手嘅演出我未睇過，唔可以話好定唔好。」雖然演技好，但一直未獲重用，國邦想過退出娛圈！曾提名金馬獎及金像獎「最佳男配角」的他指失敗過後學懂放低：「以前得失睇得好重，依家唔會，會提醒自己點解熱愛做戲、同餬到口就得。」

「最佳女配角」之爭離不開《拳王》「啞女」胡定欣與《缺宅男女》「關二嫂」黃智雯。定欣近期奪得馬來西亞ASTRO頒獎典禮及《第17屆亞洲區電視大獎2012》「女配角」獎，其主演的台慶劇《大太監》正出街，「倩蓉」氣勢上壓倒智雯，剛好入行10年的她已準備好透視裙出席頒獎禮，她說：「對《拳王》呢個角色有信心，啞女拳手係好特別好難遇到嘅角色，之前攞咗兩個海外獎加強咗信心，雖然今年對手都好強，不過都有信心。」