鍾嘉欣大貪乜獎都要

角逐視后的陳法拉與鍾嘉欣亦先後獲無綫頒獎，與陳豪同場捧走「最強人氣廣告天后」獎的嘉欣表示，今年拍了5個廣告，算是收入最好的一年，故正物色樓盤，問到買第幾個物業，她說：「唔講得，我想搵間大啲，約1,500呎。（過千萬？）我唔識，依家發夢儲緊錢。（交好多稅？）應該係，但實際數目就唔知，全部都係爹哋、媽咪幫我搞，我戶口有晒佢哋名，佢哋可以隨時攞錢。」對於陳豪揚言奪此獎比奪演戲獎更開心，她即時賣口乖：「女主角、角色獎都要，但呢個豐富咗荷包！」

至於法拉則於前晚舉行的《TVB8金曲榜頒獎典禮》中勇奪「最佳新人獎」銅獎，她透露跟唱片公司已完約，但不會簽男友的公司，以免招人話柄。她又表示支持增發免費電視牌照，問到是否與無綫意見不同，她說：「我絕對唔擔心公司發展！」另一候選視后胡杏兒正為台慶頒獎禮作準備，她透露暫沒有追求者，亦不介意與舊愛黃宗澤合作。