城城現兜兜賀波友娶港姐
前港姐鄭嘉雯（Karman）與晨曦足球會班主之子周志豪昨日結婚，晚上於金鐘酒店筵開五十多席，賓客包括霍震霆、洪金寶夫婦、郭富城、洪天明、佘詩曼與馬德鐘夫婦等，洪金寶見記者影相即說：「有冇《忽周》、《壹週》記者先？唔係又話我老婆帶我去叫雞。」郭富城表示送現金做禮最實際，自言有跟新郎哥落場踢波，眼見兩人由拍拖到結婚。至於本來做兄弟團的天明笑言因頂不住一班姊妹，故申請不做開門那一Part，問到有否傳授生仔秘笈？他說：「唔使啦！呢啲閂埋門搞掂就OK，但我老婆（周家蔚）未生已經想生第二個。」下午於教堂註冊時，戴上1卡多鑽戒的新娘看似肚凸凸，但Karman坦言未懷孕，但新郎是獨子，故大家也急於生BB。問到是否生隊晨曦足球隊？她即說：「咁我就慘喇！唔會多過兩個。」
周家蔚雖腹大便便，但仍為好友擔任姊妹。
城城畀面撐波友結婚，笑言畀足人情！
鄭嘉雯與老公世紀一吻！
玩新郎時，周家蔚乘機坐低抖抖。
佘詩曼近期頻頻去飲，幾時到佢請飲呢？