Paco：我冇加入黑社會

昨日有報道指太陽娛樂文化老闆周焯華、董事總經理黃柏高（Paco）及另一高層鄭丁港跟即將刑滿出獄的澳門江湖人物尹國駒（綽號崩牙駒）扯上關係，有傳三人被港澳警方列入黑名單，對此薛凱琪（Fiona）昨日出席有關抑鬱的活動時說：「作為歌手演員做好本分唔會理咁多，唔會因為咁影響工作同心態，簽得公司就要信任公司。」她覺得公司是一間正當的娛樂公司，但不知老闆背景及從未接觸，當日由舅父跟Paco傾約，但她不擔心公司的資金來源：「我係教徒，所有嘢都問心無愧。」

同公司的小肥在另一個活動上直言事件敏感，但不擔心老闆、Paco捲入江湖事件：「相信公司係清白、乾淨冇問題。」同場的陳僖儀則笑Paco經常戴黑超才讓人覺得他好惡。身在台灣的Paco對傳言感莫名其妙：「我冇加入黑社會，太陽娛樂係獨立運作公司，我從事娛樂事業30年，從來都冇涉及唔正當行為。」至於會否採取法律行動？他說：「交畀公司研究處理。」