古仔嗒苟芸慧糖

古天樂昨日出席活動時否認有女友，並大讚同場的苟芸慧各方面都好，女方則欣賞古仔Man爆又親切，看來互有好感！

男人味很重的古天樂，昨日以代言人身份出席女裝鞋履活動，同場還有新一代宅男女神苟芸慧（苟姑娘）、韓模蔡恩真及日模松岡李那等。古仔表示這是人生首次代言女裝產品，並笑言自己也想穿高跟鞋：「我自從隻腳斷咗十字韌帶之後，相信都着唔到高踭鞋，不過拍廣告嗰陣我都有試過着，但係太高、太辛苦，真係佩服啲上班一族嘅女性！」他又稱從影以來都未試過演女角，故想一嘗扮演女人的滋味，問到想扮演甚麼類型的女子？古仔笑說：「可能演黑妹，或者化白塊面，好似發霉朱古力咁！」

對於早前孫紅雷踢爆他有美相伴？古仔說：「因為佢知道我鍾意法國，我就話如果第時有女朋友，就帶佢去法國一齊食飯啫！」問到對同場的苟姑娘感覺如何？他說：「幾好！（邊方面？）各方面都好。」

台慶「露」得可愛

而苟姑娘亦大讚古仔感覺很親切，因為跟她表哥很相像，她又欣賞對方黝黑的膚色，認為十分Man！問到是否已揀了台慶戰衣？她說：「揀咗喇！今年想表露比較可愛嘅一面。（性唔性感？）Tube囉，唔會太性感！」記者笑問不怕被身材豐滿的高海寧或賈曉晨等比下去？苟姑娘自言平日也不夠她們鬥，認為自己不應在她們面前班門弄斧！