葉佩雯下令錫住Eric

去年高調在紅館註冊的葉佩雯（Grace）和Eric Kwok（郭偉亮）將於本月23日舉行婚宴，新娘昨日試穿好友何志恩設計的晚裝，連聲讚靚。為免老公被姊妹團玩謝，已下令將視線轉移到兄弟之一的陳奕迅身上。

歌手葉佩雯去年11月23日在老公Eric Kwok的紅館演唱會上，在逾萬名觀眾的見證下註冊成為夫婦後，定於今年的同月同日，即本月23日舉行婚宴。今次婚紗及姊妹裙的設計，Grace找來設計師好友何志恩（Johanna）操刀，昨日Grace聯同兩位好姊妹杜如風及梁漢文老婆Karen一同試晚裝。

向來走型女路線的Grace，穿上一套連身長裙並讚不絕口：「真係好靚，Johanna最叻就係線條同細緻位，條裙完全展現咗我另一面。」她更笑言試完裙後經常日思夜想，希望再將晚裝穿上身。

姊妹兄弟團已定

曾經替好友莫文蔚設計婚紗的Johanna表示，已多年沒再為客人設計婚紗，今次是為Grace破例：「朋友冇計啦！我哋講心。」至於兄弟姊妹名單，Grace透露已有定案，屆時將會有8兄弟、10姊妹，當中陳奕迅（Eason）、梁漢文及陳子聰是兄弟，杜如風、Karen等則擔任姊妹。

問到Grace接新娘當日可擔心姊妹團會玩殘老公？她說：「佢哋一定玩殘同玩盡佢，但係我同班姊妹講要就住玩，因為Eric好易肚屙，怕佢玩得太盡要全日攬住廁所。」姊妹團之一的杜如風笑言由於Eason有名震中外的「吹神」稱號，故此一班姊妹已有對策：「為免佢講太多嘢晒時間，就罰佢不停咁食嘢。」在旁的Grace和應說：「係啦！將目標轉移喺佢身上，不過唔好灌醉佢，怕要4個人抬得佢1隻腳。」