Vienna叫床聲自摸報新聞

藝人董敏莉早前宣傳亞視外判節目《娛樂CIA》時，直指零收視激嬲高層而被撤換，節目找來監製鄧特希改革救亡，更安排網絡性女Vienna（連綺嵐）擔任節目主播，以其招牌「叫床」聲讀稿，希望打破沉悶正統的主播形象，殺出血路！

《CIA》日前試廠，以爆乳OL Look上陣的Vienna，與另一主播王志安報道娛樂新聞，她分別以正常及呻吟語調讀稿，前者頻頻NG，但用呻吟聲時即「叫神歸位」，邊呻吟邊自摸頸及胸，並一Take過完成。

事後她說：「之前緊張，只得30分！（呻吟聲即刻上力？）用番自己把聲梗易，我把聲男人就有反應啫，好多女人聽到想打我！（冇主播係你呢種造型？）都冇主播好似我咁講嘢！本身鍾意露吓胸，冇咁熱嘛！」鄧特希表示《CIA》是合家歡時段播出，不會有成人元素：「唔太了解Vienna背景，之前試鏡時佢各方面都稱職，所以用佢。（性感影響主播形象？）唔會，點解唔話我發掘緊佢其他優點？以前狄娜都主持過影評節目，一位艷星都可以咁成功啦！」