神獸黃梓柔烏龍墮窿

神獸天使「珍豬仔」黃梓柔自嘲性格似豬，原來她的確勁大懵，經常大頭蝦唔見嘢，最難忘是「行路唔帶眼」失足墮窿，雖然當時人來人往，但竟沒有人英雄救美，認真又（火羅）又慘！

珍豬仔黃梓柔（Rachel）終日笑面迎人，予人傻大姐的感覺，但她表示在陌生環境不會笑，曾多次被誤會是惡女，幸而很快便「穿煲」：「新學期返學我冇笑，啲人以為我好惡好寸，但相處幾日就知我其實係低能嘅！哈哈！」

談到低能往事，Rachel笑言數之不盡，每日都有烏龍事發生，忘記帶鎖匙、遺失東西是「家常便飯」，最經典的是在鬧市失足墮窿：「當日去買飯，唔知有路面工程，地下有個窿，又冇圍欄，我一個唔留神就跌咗落去，成個人咁深o架！好彩冇受傷，盒飯又冇倒瀉！」問到可有人英雄救美？她苦笑說：「有好多人行過，但竟然冇人理我，我呆咗陣，惟有好狼狽咁自己爬上嚟囉！」

未來中醫

剛滿20歲的Rachel希望改掉「烏龍」惡習，更表示最近開始轉喜好：「以前買日用品會揀有公仔嘅，依家會揀素色啲，相信多啲人生經驗會慢慢變成熟。（有咩大計？）讀好啲書同埋堅持做運動Keep Fit。」正修讀中醫高級文憑的她表示，有興趣在中醫界發展，並繼續兼職做Model：「希望拍多啲廣告，因為返學全日制佔好多時間，拍廣告可以喺短時間享受到演繹角色。」

Profile

姓名：黃梓柔（Rachel）

年齡：20歲

三圍：32B、24、33

體重：45kg

簡歷：去年簽約模特兒公司Celebrity，今年在遊戲節目《五覺大戰》中擔任神獸天使「珍豬仔」，因經常傻笑，網友大讚可愛。