丁子高昨日出席Just Gold鎮金店《Just Babe x Real Ting系列發布會》時，獲贈囝囝Torres（丁進諾）的純金足印相架，首度設計金飾的他，為囝囝製作腳鏈，並與囝囝的肥腳仔一同拍廣告。
笑太太野性
丁子高笑指囝囝腳粗，3個月大已重16磅，甚為巨型，又大讚囝囝有做娛樂圈的潛質：「小朋友通常對有顏色嘅嘢敏感，雖然我部相機係黑白色，但我向住邊佢就跟住望邊。」現場展示丁子高的童年裸照，他笑言嬰孩時期很靚仔，而囝囝似足他。
對於被拍得與楊千嬅在街頭面燶燶，問到是否因太錫囝囝而冷落太太，他笑說：「唔通行行吓笑咩！（千嬅扁晒嘴？）天氣熱啫！冇嗌交！（佢有產後抑鬱？）冇，依家我哋嘅時間畀晒小朋友，唔想Miss咗佢任何階段。」曾以「暴龍」及「速龍」形容千嬅的他，笑指太太已慢慢變回小野兔：「唔係小白兔咁純，仲有啲野性！」並透露為囝囝辦妥入讀幼稚園事宜後，千嬅便會復工。
同場的張燊悅則自爆曾有產後抑鬱，更視丈夫為「出氣袋」，她說：「我都鬱咗兩次，特別係生第一胎時，覺得個個都忽略我，淨係照顧BB。」
捉實囝囝肥腳仔的丁子高，由心底裏笑出來。
丁子高獲贈附上Torres近照的腳印相架。
張燊悅對丁子高的童年裸照極感興趣，丁子高忍不住自誇靚仔！
被拍得與千嬅鬥面燶的丁子高，澄清當日沒有鬧交，只是熱到冇表情。（資料圖片）
父愛滿瀉的丁子高，「左擁右抱」時笑得特別開懷。