爆杏兒未搬走黃宗澤「頭都大埋」
無綫小生黃宗澤（Bosco）昨午與戚美珍錄影節目，與胡杏兒分手後變瘦，令頭部比例變大，難道為分手「頭都大埋」？他透露返港後未與杏兒聯絡，問到杏兒買豪宅？他說：「咁咪好囉！佢仲未搬，但大家冇撞到。（狂發短訊箍煲？）冇，係朋友發短訊問候吓。（喺屋企觸景傷情？）唔好咁誇張，唔係世界末日。」還指復合與否要看上天安排。而苗僑偉到場探太太班，他指Bosco分手未必是壞事：「依家佢自由啦！緣分到可能會再一齊呢！經歷過先識得珍惜。」
此外，Bosco早上與周麗淇為劇集《好心作怪》開工，兩人劇中有咀戲，問到會否增加撻着機會？Bosco說：「同佢唔熟，大家係朋友，冇嘢嘅。」周麗淇則笑說：「你估睇相咩，做嘢啫！以前都合作過，緋聞都應該冇。」
苗僑偉夫婦力撐黃宗澤（右），希望他與杏兒能重拾舊歡。