婷婷撐鋒芝復合：咁咪幾好

屢傳復合的謝霆鋒與張栢芝早前一起慶祝大仔Lucas五歲生日，重現一家三口的溫馨場面！昨日霆鋒的妹妹謝婷婷與栢芝好友Rick Chin都開腔支持二人復合，未知「鋒芝」能否還大家心願呢！霆鋒與栢芝一直盛傳復合，連身邊親友都為他們着緊，昨日婷婷出席FURLA手袋活動，談到姪仔Lucas日前生日，霆鋒、栢芝及Lucas被拍到一起用膳慶祝，婷婷即時反問是何時發生，並開心地說：「係咩？咁開心！我冇睇到報道。咁咪幾好！（你開心佢哋復合﹖）佢哋嘅選擇都係為小朋友好，佢哋嘅決定我都會支持！（佢哋關係冇咁僵？）唔清楚。（會唔會做啲嘢拉番埋佢哋？）呢啲嘢未輪到我做。」至於有指栢芝趁Lucas生日與前奶奶狄波拉修補關係，婷婷說：「我真係唔知，我唔喺香港，冇一齊慶祝。（拉姑提起栢芝時，語氣好開心﹖）我啱啱同拉姑通電話，但冇提起呢事件。」

婷婷還透露早前與男友安志杰到了泰國旅遊，以及到澳洲為嫲嫲慶祝100歲大壽，即被取笑預支蜜月，她甜笑說：「咁年年都可以度蜜月喎！」

圓Lucas心願

另外，有份出席Lucas生日會的星級化妝師Rick Chin昨日受訪時亦支持「鋒芝」復合：「我希望復合係真！但外人好難干預。（Lucas想唔想父母復合？）小朋友梗係想。（霆鋒有冇出席Lucas生日會？）有到，係自己個仔生日。（你係咪會撥行佢哋一齊？）隨遇而安，係就皆大歡喜！」他又稱栢芝離婚時很傷心，自己亦有勸她想清楚。