慶功冇「宗」影 嘉欣獨撐大局

無綫行政主席梁乃鵬前晚請《護花危情》藝員食飯，慶祝該劇收視報捷，惟男主角黃宗澤（Bosco）因工作缺席，獨撐全場的鍾嘉欣表示二人曾聯絡，又指他的心情已平復：「好開心套劇暫時係全年平均收視最高，希望Keep住個勢！」對於結局遭網民批評，她力撐結局完美，至於會否開拍續集？她笑說：「不如加啲韓劇元素，韓星池誠係我夢中男朋友嚟o架！」

另外，日前有報道指梁乃鵬與方逸華及陳志雲食飯，似有意拉攏志雲回巢，不過梁乃鵬說：「佢只係離開咗無綫幾個月，我點會傻瓜瓜叫佢返嚟！我都有頭有面，有呢個諗法都傻！」而無綫外事部副總監曾醒明指近日有不少扭曲報道，故將採取法律行動。

嘉欣自爆情傾韓男，相信令不少宅男心碎。