餅碎合體掀高潮

10年前出道的女子組合Cookies早年已解體，前晚眾人合體擔任Shine的演唱會嘉賓，掀起全晚高潮！由於成員傅穎（Theresa）及Serena身在外地未能出席，故只得7餅亮相。對於傳不和的Theresa No Show，鄧麗欣（Stephy）解釋：「佢喺台灣拍劇先嚟唔到！」Cookies表示見Shine成功開騷，令她們心郁有意舉辦10周年紀念演唱會。

成員楊愛瑾（Miki）澄清不是與經理人公司解約：「我履行晒合約，只係約滿！（有傳你結婚？）唔係！」隨即拋波給Stephy：「係都你先啦！」由於吳雨霏（Kary）與網球王子洪立熙翻撻，一再被問到會否閃婚？她無奈說：「又燒埋我個疊？我係Cookies最細嗰個，唔會爬人頭！」最後Elaine公布喜訊：「我會明年底結婚！」

Miki（左）及Kary難得再同台合唱。

Cookies擔任嘉賓，掀起全晚高潮。