Shine失樂斷背舞Show肌

男子組合Shine前晚在九展舉行一連3場演唱會，兩子除破格大跳辣身舞，散發濃濃斷背味外，更大爆入行10年的辛酸史，感觸落淚！

由徐天佑及黃又南組成的Shine，前晚開騷吸引又南舊愛杜如風及黃偉文等捧場，全場爆滿！兩子開場即唱出《祖與占》及《熊貓》等Hit爆歌曲。其後，天佑講到多年前的事業低潮，一度哽咽：「嗰時事業低潮，同屋企人及經理人關係唔好……有晚飲醉咗，自覺好樣衰，要決心改變！」而又南提到幫生意失敗的父親償還600多萬元欠債，感觸落淚：「收數佬隔幾日就打嚟叫我還錢，為咗還債幾辛苦我都做，只要唔放棄，乜都有可能！」

Shine表演苦練多時的舞技，唱到興起更脫去上衣，大Show肌肉，引來粉絲尖叫！當唱到蔡一傑的《失樂園》時，又南更反串MV中的女主角伍詠薇，與天佑深情對望，大摸對方結實胸肌，然後又施展熊抱，斷背味爆燈！另外，已解散的Cookies擔任表演嘉賓，當中曾傳緋聞的天佑與楊愛瑾（Miki）亦未有避忌。

「摸胸已係極限」

完騷後，Shine接受訪問時坦言摸胸已是極限：「唔敢太基，摸胸已經係極限！本來要我哋除衫跳，都幾核突！（跳得唔齊？）我哋會再努力！」如今收入不俗的兩子，問到是否有錢溝女？天佑說：「唔好咁講！（女友喺度？）有嚟！（同Miki同場尷尬？）咁耐，唔記得囉！」