志偉「潤」亞視 陳啟泰上無綫掟壽包

昨日無綫與亞視高層率領藝員舉行聯合記者會，宣布今屆奧運播放安排，無綫高層點名多謝有線，夭心夭肺程度不輸重提「亞視壽包事件」的曾志偉。

無綫與亞視昨日以大贏家姿態，在尖沙咀香格里拉酒店舉行聯合記者會，去年為收視計算方法互數不是的兩台突然友好，會上宣布亞視藝員於奧運開幕當日，會入無綫電視城演出特備節目，惟席上曾志偉揶揄亞視早前在北京搞台慶向無人觀眾席掟壽包一事：「我哋唔會掟壽包！」亞視人陳啟泰大方地說：「我哋係掟壽包，係開心嘢嚟，到時帶啲上嚟節目！」

無綫助理總經理區偉林上台致辭時，點名多謝斥資1.2億元購買香港獨家奧運播映權的有線電視：「今次無綫同亞視合作，體現奧運精神，係三贏，多謝有線同亞視。無綫同亞視加埋成百年歷史，轉播奧運一定成功！」更不忘搞Gag：「其實應該畀亞視上嚟講先，一嚟係禮貌，二嚟呢個會場叫大埔廳，亞視個台喺大埔，呢個係佢哋主場！」亞視高級副總裁鄺凱迎則表示無綫明珠台及亞視國際台會組成奧運頻道，每日接力播出10小時奧運節目。

思琦為奧運唔湊女

將前往倫敦採訪的無綫主持朱凱婷說：「星期三收到通知，星期六出發，去三個星期，我會爭取入會場，亦會聯絡香港同內地運動員睇吓做唔做到訪問。」徐子珊及楊思琦亦想去倫敦，已為人母的思琦說：「我有採訪2008年北京奧運嘅經驗。（邊個湊女？）媽咪同工人都可以幫手！」