G.E.M.結婚先初吻

歌手G.E.M.前晚在馬場表演，剛從台灣趕回來的她表示已完成拍攝新歌《奇蹟》的MV，問到此行有否順道探望緋聞男友林宥嘉？她甜笑說：「冇呀！唔得閒搵，大家都好忙。拍完MV都即刻返酒店瞓。」MV中化老人妝的G.E.M.與男主角有親密戲，她尷尬地說：「MV都要攬攬錫錫。（錫邊度？）額頭啫！仲未獻出我嘅螢幕初吻，希望留到結婚嗰日先！導演叫我哋對望，佢對眼好深情，所以好尷尬！（佢係咪你鍾意嘅類型？）佢好陽光囉！應該成日健身。」