王晶寸老餅退化阿叻：佢個腦都傻
王晶和陳百祥（阿叻）連日就今屆港姐質素參差而爆發罵戰，王晶有見阿叻指他「捧人冇個紅」後，氣頂到徹夜難眠，於昨日凌晨開始，連發三條微博抒怨氣！昨晨五時許，王晶在微博寫道：「那位陳先生問我又捧紅過些甚麼人？想了一想：邱淑貞、朱茵、林熙蕾、舒淇……呀。我記起了，八十年代我還憑兩部《青蛙王子》捧起過一位今天可能因已六十二歲，記憶力退化的人。他叫做陳百祥！」昨晨八時許，王晶留言稱很心灰，又指阿叻是巨星及富豪，以後不敢打招呼，自嘲以後會自量。
阿叻昨日坦言不是刻意攻擊王晶：「我只係教訓佢，平時佢冇朋友，佢喺屋企對住四幅牆，所以先諗埋一邊，佢應該多啲行出嚟接觸吓朋友。大家係朋友，我係佢最好朋友先咁樣話佢。（王晶話心灰？）我都好灰，佢個腦都傻咗，唔知佢諗緊乜。大家幾十年老友，你寫我：『我錯了，對不起！』都冇所謂，但唔該佢攝高枕頭諗清楚！」