假官網焗Beyond開騷 Paul嬲爆

    • 近日籌備下月紅館演唱會的黃貫中（Paul），收到歌迷致電查詢是否明年舉行Beyond 30周年紀念演唱會。因歌迷發現名為「BEYOND MUSIC」的「官」網，網內正進行募簽行動要求Beyond開騷，Paul說：「呢個係假Beyond官網，我哋冇成立官方網站，大家唔好信。我仲收到內地歌迷電話，佢哋話如果Beyond真係開騷，或者唔會買我7月演唱會嘅飛，想留錢買飛睇Beyond。唔係嬲啲歌迷唔買我飛，我係慶有人信呢個假網，以為佢哋可以代表我哋講嘢。」

    Paul表示尚未知道Beyond會否開紀念騷，但若真的開不成，罪魁禍首正是這班冒Beyond之名的搞事者：「我都唔知搞唔搞？佢哋就多多事實，搞乜鬼簽名行動呀？就係呢班友喺度『挹挹養養』，搞到我哋唔玩。（網內出售你嘅演唱會產品？）我冇授權畀佢哋喎！係咪『翻版』嘢嚟o架？」

    Paul不忿有搞事者冒充Beyond開網頁散播流言。