鍾鎮濤獲加持

    • 鍾鎮濤一家及關之琳於晚宴中與法王同枱，並獲得法王加持。已返港的阿B昨日接受電話訪問時說：「法王生日，託朋友福氣見到法王一面，好難得獲法王加持。囡囡就最開心，佢中咗頭獎，獎品係法王將食咗一啖嘅生日蛋糕送畀佢，法王食過嘅嘢！飲過嘅水，用品都有加持同福氣，鍾懿好醒目雙手接蛋糕，全場都拍手，個女仲冇獨食，分畀屋企人食添。」阿B則送了與女兒合唱的新碟予法王，他說：「我就冇特別祈求隻碟大賣，只係想身體健康。」至於在當地逗留了兩天的關之琳，與法王會面後心情大靚，見她與友人於酒店歎茶時頻頻笑笑口，她又不時與B哥及范姜等傾個不停。

    關之琳、阿B與關秀媚在晚宴中與法王同枱。

    關之琳與法王會面後心情大靚。