城媽聞Lynn 四萬咁口

郭富城與熊黛林（Lynn）看來已到談婚論嫁的階段，前晚母親節，城城與母親慶祝，Lynn雖沒有同行，但城城心情靚爆，城媽聽到Lynn的名字也笑不攏嘴。

郭富城前晚跟媽媽食飯慶祝母親節，他獨自到銅鑼灣一間酒家，向來Cool爆的他罕有地回應記者提問，問到送甚麼禮物給媽媽？他說：「送錶。」然後匆匆入內會合已到場的媽媽。

地位穩固

兩個多小時後，城城搭着媽媽膊頭離開餐廳，其後見吳國敬與友人步出，問到是否約吳國敬食飯？城城說：「唔係，咁啱見到。」他邊行邊捉着媽媽的手，示意媽媽戴的名錶是他所送。

問到Lynn為何沒有來？他笑說：「唔識答，唔知點答你。」在旁的城媽聽到Lynn的名字即展露笑容說：「我自己唔識講嘢，唔識答。」城城說：「佢哋只係循例問吓啫！」雖然談及Lynn，但兩人完全沒有避忌，看來Lynn在城媽心目中已有一定的地位。

總會結婚

城城與Lynn最近傳婚訊，有指Lynn父親患癌病，Lynn希望為父親沖喜，計劃於下月在澳洲結婚。記者致電其經理人Kim，她說：「六月結婚唔係真嘅！」問到是否今年內結婚？Kim答得含糊：「Lynn總會有一日結婚，係咪年底就真係唔知。（Lynn爹哋係咪有癌病？）私人事唔想講。（有病所以結婚沖喜？）老人家嘅私人事唔講喇！」而城城經理人小美則不回應婚訊，她說：「城城六月工作排滿咗！佢亦冇向公司請假。」另外，昨晚約八時，Lynn在黃竹坑拍完電影《男人如衣服》後離開，見到記者即微笑揮手，問到父親是否患癌病？她沒有回應便匆匆上車。