冼國林投資逾2億元人民幣開拍的電影《葉問之終極一戰》，邀得黃秋生飾演葉問，冼師傅大讚秋生肯學肯打，並刻意減20磅，令外形更神似。談及不少大卡士曾演葉問，秋生不擔心比較，還笑言曾被梁朝偉「單挑」：「我喺內地撞過梁朝偉，佢問我係咪演葉問，我話係，佢即刻做個打功夫嘅動作單挑我，但我唔會同佢打，我係斯文人，唔會亂出手，我一出手就打死人㗎喇！」他自爆曾在非洲動武：「工作人員為咗一啲桃色事件鬧交，我走去做和事老，結果畀人用粗口問候母親，我嬲到爆，一拳打暈咗講粗口嗰個人！」
秋生打詠春有板有眼，在旁指導的冼國林非常滿意。
