吳浩康內疚認失禮
有讀者昨日爆料，指藝人吳浩康（Deep）昨晨因飲醉與的士司機口角，爆粗互罵，的士司機事後指Deep態度惡劣及當街小便。Deep昨日接受電話訪問時，自責醉酒累事：「我去完老闆酒吧開幕，走嗰陣驚自己唔掂，所以搵咗個Fans陪我搭的士返屋企。可能我好Wing講嘢唔清楚，司機去錯地方。因為我斷晒片，之後問番Fans，佢話我當時態度好惡劣，搞到司機好躁。」Deep還表示事後因誤會司機問他何時出新碟是揶揄他，故才激動爆粗回應：「關你X事」，而司機則在他落車時回敬一句：「吳浩康！你死X梗。」
Deep又指對事件感內疚，並承諾會努力提升自制能力：「我都覺得自己好失禮，愧對身邊人，令佢哋擔心。」但Deep最後強調沒有當街小便。
Deep出席開幕禮，興奮「隊酒」。