徐濠縈昨日出席活動，阿徐指一直有做全身檢查，問到是否會自己檢查乳房？她笑說：「有，我個範圍好細，好快Check完，但都唔可以忽視。（叫老公幫手？）都得，佢好樂意做。」她又指Eason膽固醇高，而且肚腩大過胸，她說：「佢有睇中醫，要戒口唔好食貝殼類同牛肉、我已同佢助手夾埋，如果佢話要食牛雜，就話賣晒，唔畀佢食。」
同場的宣萱表示急於找伴侶，但不會主動出擊：「我身邊有結婚或離婚嘅朋友，反而好羨慕我單身。」
徐濠縈笑言雖然胸細，但亦不可忽視。
