高海寧唔信好友做「小三」
高海寧昨日出席復活節活動，她透露近日邊吃零食邊寫書，令Pat Pat大了不少：「下半身、大髀同下圍都係重災區！（為泳衣同內衣騷做好準備？）唔知呀！但機會係畀啲準備好嘅人，所以我都要收身，否則兩星期前通知你都減唔切啦！」
她更表示不相信好友馬賽介入「巨聲幫」大孖周志文與女友的戀情：「我唔知喎！唔會啦！係咪拍劇做對手嘅宣傳呀？人哋女友去上海係放假陪男友咋？未必係咁複雜嘅。馬賽冇講開感情事，佢劇接劇連瞓覺時間都冇，佢會好珍惜工作機會。」此外，與馬賽同劇的朱晨麗不信馬賽做「小三」：「馬賽係個好女仔，開工時成班人感情好好，好似一家人咁。」
高海寧力撐馬賽沒有介入別人的戀情。