組合HotCha成員Crystal昨日到電台宣傳下月舉行的舞台劇，她透露日前到梁靖琪家拜年：「我都想快啲可以派雙封利是，真係Dry咗好耐，希望盡快搵到合適對象。（有對象？）有都唔敢出聲，我好保守。」她又表示日前跟圈外好友到文武廟行桃花運：「朋友感情唔如意，咪去陪佢囉！行咗三個圈。」本報去年曾報道Crystal獲公司力捧，以個人名義出書，現時又舉行舞台劇，難免令人覺得公司偏心，但她說：「公司個個都捧。（成功冧掂老闆？）我咁嘅樣，唔夠人哋嚟！」
Crystal恨拍拖恨到出晒面，有冇咁Dry呀？
