莊思敏暗寸：人品最重要

廖碧兒舊愛富二代林忠豪，早前力追模特兒莊思敏，但期間有傳甄詠珊介入，令戀情無疾而終。前晚林忠豪在活動上表示要找賢妻良母結婚，而出席另一活動的莊思敏則指擇偶首要專一兼人品好，隔空宣布關係告終。

早前林忠豪力追莊思敏時，曾送iPhone給她及出動名車接載，莊思敏更見過家長。但前晚林忠豪出席活動時，突然主動向記者表示要結束與莊思敏的緋聞，實行跟她劃清界線，更將二人關係降級到普通朋友：「上次畀人影到唔知係好彩定唔好彩，不過我覺得同佢嘅緋聞都應該要完，我都想搵個賢妻良母結婚。（即係莊思敏唔係賢妻良母？）唔係，只係我可以想快啲成家立室有小朋友，所以應該要快啲令呢個緋聞完結，費事嚇親其他女人。」

林忠豪又指，想找個賢良淑德、相夫教子的女人：「希望大家段關係簡單啲。」問到是否因為廖碧兒及莊思敏都是事業型女性故不適合？他否認之餘，又再解釋甄詠珊只是相識多年的朋友。

擇偶條件專一上進

另一邊廂，莊思敏前晚出席《3 iPhone Gala Night派對》時，語帶諷刺地回應林忠豪的言論：「我嘅擇偶條件係專一、上進同對我好。（林忠豪唔專一？）我只可以講外形唔重要，幾靚仔耐咗都會變形，人品先係最重要。」

文：名人組