翠翠憶黃有龍舊情為生仔擘面

05年港姐冠軍葉翠翠，08年被爆與內地富商黃有龍拍拖，更因突然富貴惹來被照顧傳聞，因而慘遭無綫雪藏，令她一度萌死念：「每日都過得生不如死！」

屋邨出身的05年港姐冠軍葉翠翠，當選後是非不絕，最轟動莫過於與內地富商黃有龍的一段情：「當年識到黃有龍，簡直好似上咗天堂，以為自己係全世界最開心同最幸福嘅人。」

可惜08年下半年幸福幻滅：「秘密拍拖冇耐就畀雜誌話我畀人包，面對指摘，每日都過得生不如死！不過，因為內地做生意嘅人唔想出名，所以唔可以公開我哋嘅關係，當時受盡千夫所指又有口難言，所以唔止想退出娛樂圈，仲有諗過輕生！」她承認曾因擔心狗仔隊跟蹤而惶恐度日，朋友亦因她性情大變而疏遠，她遂赴英國探望昔日讀書時的監護人，幸獲無綫高層陳志雲及樂易玲鼓勵，她才得以重新振作。

拒借趙薇宣傳

翠翠與黃有龍拍拖僅三個多月便因性格不合及生仔問題而分手，其後，男方火速戀上內地女星趙薇，並珠胎暗結，翠翠仍大方送祝福：「其實一直冇講趙薇，係擔心畀人話借佢宣傳。」

髮型：HAiR@Martin　

服裝、場地：Ted Baker