張可頤甩拖唔難過

張可頤將於台慶夜變身魔術師與黎耀祥表演「日換星移」，並會以《法證先鋒III》造型出現，無懼被其他女星比下去！可頤昨日以「熊貓眼」到電視城，與馬賽等練習。

被指與金融男友曾安邦分手的可頤，未受情傷影響：「我冇療傷期嘅，拍拖、分手係平常事，我哋係藝人先放大件事。（復合？）唔識答喎！我哋仲係好朋友關係，只係時間上難配合，但我冇難過，因為大家都開心過，平常心面對。我Enjoy拍拖，但心態未Ready。（單身後多追求者？）都OK o架！（老外男友係追求者之一？）唔好亂講，佢係我女友嘅男友，當日佢Join我哋飲茶結果搞成咁，好尷尬！覺得自己好似拍緊現實版《女人最痛》！」

張可頤（右）與馬賽苦練魔術。