楊愛瑾為睇婦科解畫

楊愛瑾（Miki）昨日出席MIKIMOTO在銅鑼灣舉行的活動，同場還有諸葛紫岐（Marie）、查小欣和恒生新抱何倍倩。Miki透露日前看婦科醫生打HPV針，遇到狗仔隊偷拍：「都幾嬲，我一出診所門口就有個男人衝埋嚟係咁影，又問我去診所做咩，我冇答佢，呢啲嘢太私人。但佢仲係咁問，我淨係答佢我去打針。」此事令她很擔心有人亂寫。至於有報道指陳法拉出招爭視后，Marie表示不會回應。有傳TVB已內定胡杏兒做視后，她說：「杏兒係我好朋友，恭喜佢！我有睇佢新劇，做得好好。法拉啲劇我都有睇，都好好。（杏兒演技好定法拉好？）唔識答。」

楊愛瑾（左）及諸葛紫岐均悉心打扮。