張曼玉為男友討公道

張曼玉出席時裝活動，主動澄清有關送錶送車給男友的傳聞，還指報道對男友不公平：「講我買錶買名車畀佢，但我同男友5年嚟，佢冇戴錶亦冇揸車！」

久未露面的張曼玉（Maggie），前晚與楊千嬅及RubberBand等出席Burberry新店開張活動，身材纖瘦的Maggie透露只留港數天，跟家人和朋友見面。問到是否消瘦了？她說：「冇呀！十幾年嚟都係差唔多。你哋每見我一次，就話瘦一次，依家我應該得番棚骨啦！」提到被傳跟男友Ole Scheeren分手才會暴瘦，Maggie雖沒正面回應，但就輕鬆地說：「係呀！你哋一講呢啲（分手）就話我瘦。」

公關此時本想中斷訪問，拉Maggie進場，但Maggie主動留下，還表示有事要澄清：「對於傳聞，我同男友一齊唔一齊係自己事，唔想解釋太多，但你哋有時寫得太唔公平，講我買錶買名車畀佢，但我同男友5年嚟，佢冇戴錶亦冇揸車！我亦冇能力做呢啲嘢，咁講對人名譽好差，我覺得呢樣嘢一定要澄清，亦係唯一要澄清，否則唔公平。（男友唔開心？）係我唔開心，做我朋友冇理由承受呢啲嘢！」

千嬅盼做乳牛

此外，同場的楊千嬅戴着品牌的乳牛圖案帽現身，還笑言想做乳牛，因可造福人群。她又透露原本要拍電影，但因一些原因要押後至明年初才開拍，故可能因檔期問題而推掉：「都有啲可惜，因為好期待同甄子丹合作。我下個月要做音樂會，依家有機會休息吓。」問到會否押後造人計劃？千嬅表示一切隨緣。