Sunny難忘5毫子的快樂

串燒對土生土長的香港人來說並不陌生，街邊檔幾蚊一串的魚蛋、燒賣及大腸等都滋味無窮！不過，串燒並非只有街邊平民版，坊間也有出得大場面的「升呢」版，今次由星級排舞師黃國榮（Sunny）及其太太洪華（Angela）帶大家搵食！

排舞師Sunny是地道香港人，對地道美食當然很熟悉，他說：「細路仔時成日通街食嘢，嗰陣邊有錢入舖頭食嘢o架！最難忘以前5毫子串魚蛋、雞中翼、腸仔、牛丸同墨魚丸，乜都鍾意食！」近年不少港式串燒入舖，除了食慣的款式外，還加入大量海鮮，如虎蝦、鏡貝、蟶子王、海大蜆及鮑魚等，令街邊串燒變成高級食譜！

不過，對於在上海出生的Angela而言，這些老香港美食都甚為陌生，她說：「日本串燒就食得多，但食過港式串燒後都好鍾意，尤其係廚師加咗啲用龍蝦膏做嘅秘製醬料，味道好濃郁！」自認嘴刁的她，密密出外「搵食」仍食極唔肥，雖然已淡出模特兒界，但她依然保持纖瘦身材：「食多多都唔怕，有私人教練幫我Keep Fit吖嘛！」

日式串燒飄炭香

日式串燒近年亦成為港人的心頭好，當中以炭燒為主，除獨特的炭香味外，對醬汁亦十分重視，故味道較為濃重，一般選用的醬汁包括照燒雞汁、牛肉汁及銀鱈魚汁等，而大多日本餐廳都有師傅調配的獨門醬汁。

別以為串燒製作簡單，其實事前工夫十足，如黑豚腩肉串燒，要先將日本宮崎黑豚豬的腩肉以關西煮法煮3小時，再風乾2小時才拿去炭燒，才能做出外脆內軟的口感。另一款鮑魚串燒，要先將鮑魚熬3小時，再用鮑魚本身的汁去燒，比中式食法較爽脆及彈牙。

（a）電話：2871 3388　（b）電話：2804 6800