「峰」騷Jeana：過啲畀佢！

與周秀娜男友Avis曾傳緋聞的o靚模何佩瑜（Jeana）、許穎（Phoebe）及連詩雅等前晚出席電影《喜愛夜蒲》慶功宴，Jeana與「死敵」Phoebe遲了半小時！低胸的Jeana解釋因綵排舞台劇而遲到，對於Phoebe密實到場明顯跌Watt，她說：「咁我過啲畀佢囉！（同緋聞男友組合Bro5成員La Ying發展成點？）幾好，仲有聯絡！」而比Jeana遲到多一分鐘的Phoebe被指性感程度遜色，她說：「冇所謂，大家Style唔同！（有唔同？）我今日係潮流品牌嘛！」對於遲到一事，她解釋完成錄影工作已飛車趕來，問到是否男友Michael Poon以名貴跑車接載？她說：「坐保母車咋！（分手？）好耐冇見，少接觸，佢有約我出街，但我冇應約。（之前攬晒o架喎？）當時發展緊，我鍾意男仔專一、唔花心，佢對個個女仔都好，我唔會嘥時間喺花心嘅人身上，我唔係一定要坐名車，其他女仔想坐可以去。」