Rosemary為JC祈禱
曾在美國犯事被捕的模特兒Rosemary，對JC今次事件表示遺憾，但不願評論，昨日她與Cara G.、貝安琪等出席歌舞電視劇首映時說：「冇嘢講。（你去年都犯事？）所有事已經過去，好慶幸有好多人支持，我都會為JC祈禱，希望佢冇事。」同場的Cara G.表示事發後沒有聯絡JC，但仍為她說好話：「好似Rosemary咁，每個人都會犯錯，JC好可愛又友善。（影響模特兒形象？）或者人哋會咁講，每個人有自己諗法，咁去評論一個人唔公平，做錯事唔代表係壞人。」
考慮接拍港劇
另外，現積極工作的Rosemary透露，有份演出的音樂電視劇周六在港首播，問到會否接港劇，她說：「要睇吓反應，同埋係咩角色先考慮。」提到前男友Christopher有新歡？她說：「同佢三年冇聯絡。」
Rosemary不欲提舊愛，反而讚現任男友對其事業幫助很大。
貝安琪翹實過氣緋聞男友尹子維出席活動。
Cara G.為JC大說好話。