黃智賢做蠱惑仔嫌唔夠辣
向來形象健康的黃智賢（Ben），在《潛行狙擊》中飾演黑社會大佬兼臥底「辣薑」，角色突出，引起網民關注，他說：「可能監製覺得我個樣亦正亦邪，唔知佢知唔知我以前做警察，但編審同我哋講今次卡士完美組合，想我有吳鎮宇喺電影《黑白道》中嗰種味道，但香港有好多黑社會、蠱惑仔臥底電影，韓國嘅黑社會電影可以做到好血腥、好狠，我嫌辣薑都未夠辣。」
Ben稱與劉松仁和黃宗澤首次合作，刺激又新鮮，更大讚松哥是落力又認真的前輩：「有啲場口我同松哥擺低劇本，大家互相撞對白，我會咁講，你會點答？導演又肯畀空間我哋，過足戲癮，好有火花！（黃宗澤飾演嘅『跛Co』被睇好有機會攞視帝？）我都想做吓跛Co呢個角色，因為好多層次、變化好大，但講真我已經愛上辣薑。」
首次飾演蠱惑仔的黃智賢，自購服裝和飾物以豐富角色。