DaDa床戰王宗堯：驚佢抽筋！

自稱再見亦是朋友的陳靜（DaDa）與王宗堯（Greg）在新戲中連場翻雲覆雨，難得二人毫不尷尬，DaDa更踢爆Greg拍攝時主動「以身相許」：「我幾驚佢抽筋呀！」

陳靜（DaDa）與王宗堯（Greg）在電影《喜愛夜蒲》中激戰連場，由浴室激戰到大床，問到分手後還要在鏡頭前翻雲覆雨會否尷尬？DaDa笑言毫不尷尬，更踢爆Greg拍攝時主動「以身相許」：「點解分咗手拍呢啲戲就會尷尬呢？我哋係無仇無怨嘅好朋友，我反而要多謝Greg，佢驚我拍床戲時穿崩，好多時都特登用個身遮住我，仲要郁都唔敢郁，我幾驚佢抽筋呀！坦白講，我覺得佢辛苦過我，好多謝佢咁主動『以身相許』。佢唯一缺點係隻手太細，遮得唔夠全面，哈哈！」

大方親熱唔尷尬

Greg亦同意過氣情侶拍親熱戲不尷尬：「大家識咗咁耐，拍親熱戲會少咗份疏離感，多咗份信任。」他笑言與DaDa同樣怕「穿崩」，不過DaDa有他保護，而他則需要「自保」：「男仔打底好煩，要小心揀打底褲，除咗要夠細可以包實重要部位，仲要夠彈性，方便配合做出導演要求嘅動作。」

雖然鏡頭前或訪問時都如此合拍，但DaDa揚言與Greg暫時沒有復合可能：「我每次分手都可以同男方做番好朋友，我同阿Greg都係，私底下都仲會互相問候，但我依家當正佢係哥哥，應該唔會再一齊番，感覺好怪。」Greg同樣笑言與DaDa復合無望：「雖然將來嘅嘢冇人知，但暫時真係冇可能！」