周柏豪認甩難拒評「情敵」

何超雲與陳山聰傳緋聞後揣測一籮籮，但隨着超雲開腔證實戀情後，所有疑團可謂一掃而空，其前度緋聞男友周柏豪與張致恒等亦紛紛送上祝福。

年初突然傳出超雲與陳山聰撻着，其後不少報道指兩人到澳門及歐洲玩樂，但戀情一直是個謎。直到前日，超雲返港後接受本報訪問時終承認與山聰已拍拖四個月，戀情浮面。超雲與山聰拍拖前，她先後與周柏豪、張致恒及澳門名人之後何敬豐傳緋聞。

山聰年初曾於微博開火，超雲亦曾暗示有人利用朋友博宣傳，兩人矛頭直指柏豪。雖然柏豪曾被捲入罵戰，但昨日他現身活動時亦大方送祝福。他表示有留意新聞，知道超雲與山聰拍拖，坦言會祝福兩人，因為是開心事。問到會否感到甩難？他說：「某程度上可以咁講，唔使有誤會同澄清。（襯唔襯？）唔回應！」但他表示不會刻意傳短訊恭喜超雲。提到有指山聰暫停工作陪超雲玩足四個月，問到柏豪會否這樣做？他說：「睇吓對方係邊個。」

寄語用愛包容

另一前緋聞男友張致恒（Steven）則於微博表示支持，本報記者昨日致電Steven，問到是否一早知道兩人拍拖？他說：「佢未去英國已經同我講有拍拖，但冇正式開名講係陳山聰。（有冇酸溜溜？）黐線！緣分唔係我哋控制！」Steven指每個公眾人物拍拖也會有壓力，但公開拍拖亦是好事，因不用避得辛苦：「佢兩個人決定，唔係同全世界人拍拖。（山聰曾離婚？）過去已經過去，我可以引述聖經：愛能掩蓋好多的罪，可以化解好多的錯。」

至於何敬豐亦於微博大方留言：「恭喜！見到你願搭（踏）前這一步，感覺你真的大個女。珍惜人生，願你開心快樂！」