高海寧訓練細佬選港男
昨日高海寧、高鈞賢（Matthew）及翟威廉等出席《香港先生選舉》招募活動。透出事業線的高海寧表示，喜歡參賽者自信及有才藝：「我好易氹，識彈琴、跳舞都夠！我有兩個細佬，但未夠年齡，佢哋係宅男，要訓練吓先得。」Matthew則透露今屆或加入歷屆港男做評判：「參賽者最好係大隻得嚟轉數快，搞笑騎呢都得o架！」將滿27歲的他表示想找圈中女友，條件是夠高，亦不介意對方行性感：「但未有目標！（呂慧儀？）唔得！太好朋友喇！」符合條件的高海寧即大笑：「你問番佢啦！要睇Feel！（鍾意咩男仔？）孝順、鍾意小朋友同體貼，唔使好有錢！驚太忙陪唔到我。」她大讚今屆港姐質素佳，希望隨隊到台灣拍外景。
高鈞賢想找圈中女友，高海寧正好符合其條件。