廣州騷現黃牛飛　「Red妹」王菲痰上頸甩嘴

    • 天后王菲前晚假廣州國際體育演藝中心舉行巡迴演唱會，有不法分子趁機炒黃牛飛牟取暴利，將原價六百元人民幣的門票炒高六倍，場內亦發現近20張假門票，認真猖狂！

    雖然開場前有黃牛黨肆虐，全場一萬五千個座位仍座無虛席。心情不俗的阿菲以全新造型亮相，為配合新歌衫，她更將留了六年的長髮剪短及染成火紅色，再配襯咖啡色古董皮褸，令人眼前一亮，可惜李亞鵬因工作未能欣賞老婆的熱情火紅Look。未知是否因「蜜瓜（李之暱稱）」缺席而若有所失，阿菲獻唱金曲《冷戰》時竟老貓燒鬚，甩嘴收場，只好急急以「謝謝」沙冧。

    其後，換上長裙的阿菲風騷得邊唱邊把玩裙子，露出白滑玉腿，期間坐在前排的歌迷突然衝到台前，近百名公安為免個唱腰斬即上前驅趕。事後，阿菲經理人陳家瑛指阿菲因痰上頸導致甩嘴：「佢唔係唔記得歌詞，係咁啱喉嚨突然有痰，所以先搞到唱唔到！」

    心情不俗的王菲，邊唱邊擺動長裙。

    王菲不慎甩嘴，只好急急說「謝謝」補鑊。

    雖然黃牛黨肆虐，仍無損王菲心情。

    雖然老公因工作缺席，但王菲仍唱得投入。