高海寧減肥「波」及上圍

    • 藝員高海寧前晚聯同張美妮及麥皓兒，到西貢為無綫節目《午夜出動》拍外景，慶祝收視報捷。穿上短褲晒長腿的高海寧，更大騷胸前事業線贈興！

    高海寧近日上圍縮水，她說：「個節目講飲食，搞到食肥咗！因為接咗個瘦身廣告，所以減緊磅。（波及上圍？）既然減得肥，減埋上圍都好正常。（水着拍廣告？）唔使！運動衫上陣就OK。遲啲有個泳衣騷，要珍惜賺錢機會，女仔都要有自己事業！（母親節帶男友見媽咪？）唔會！依家努力賺錢，唔同屋企講拍拖啲嘢。舊年母親節送咗鑽戒，今年或者送咖啡機，會同細佬煮飯畀媽咪食！」

    高海寧露出為食的樣子舉起肉蟹。