諸葛命令男友 扮麵包超人行婚禮
兩位準新娘諸葛梓岐與Amanda S.昨日為時裝品牌Marella行騷，開工之餘順道分享籌備婚禮心得。Amanda S.透露曾因婚宴嘉賓名單而與男友鬧意見，故提醒諸葛要小心處理，避免與男友傷感情：「我同佢講請飲嘅嘉賓名單最易同男友鬧交，所以要小心！」她又表示今年將在香港註冊，意大利及台灣擺酒：「我婆婆行動不便，唔可以搭好遠飛機，所以要喺台灣擺酒，希望畀佢見到我着婚紗！」
至於諸葛梓岐則揚言獲男友愛錫體諒，未有為婚禮鬧交：「我哋唔會有呢樣嘢！因為婚禮由男友搞掂晒，畀我專心工作，佢話到時我出席就得！」不過，她希望男友將婚紗及禮服交她一手包辦，問到會否加入最愛的卡通元素？她說：「如果有麵包超人嘅元素都幾好。（叫男友扮麵包超人？）都好！咁樣會幾得意！（擔心男友唔鍾意？）所有嘢都佢做晒，留番一樣畀我做，佢冇得揀！」
諸葛梓岐指婚禮幾乎由男友包辦，非常放心。
諸葛梓岐一向愛Cute，難怪要求男友扮超人。（資料圖片）
Amanda自爆為婚事與男友鬧交，幸好雨過天青。
Amanda身穿半透視裝行騷，成為傳媒焦點！