蔡慧敏搶o靚模飯碗

性感女星蔡慧敏（Joey）與o靚模一樣，同樣靠事業線搵食。隱形數年的她原來去了讀書，目前娛樂圈o靚模當道，Joey接受《娛樂onShow》訪問時坦言，要立足就要跟o靚模搶飯食。

擁有37F驕人身材的蔡慧敏，數年前在知名度大增時，突然銷聲匿迹，她到底去了哪裏？認真耐人尋味。Joey接受《娛樂onShow》訪問時，面對詞鋒銳利的主持俞詠文，她娓娓道出這些年來的心路歷程。

Joey表示兩、三年前突然失蹤，是因為到美國一間藝術學校讀書：「我05年底，去咗荷里活做中國電影節嘅司儀，喺嗰邊識咗一班朋友，佢哋話有途徑可以讀美國名牌大學，所以順理成章循呢個途徑去讀書。」

章小蕙同校

問到為何沒有進軍荷里活拍戲？她說：「我有諗過喺嗰度拍戲，開頭亦諗住學演戲，即係章小蕙讀嗰間，但係家人想我讀經濟，所以最後都揀咗有用嘅科目嚟讀，嗰邊好多朋友都有去試鏡，係全職試鏡，不過我冇試囉！因為想讀好啲書！」

鍾情娛樂圈

既然學成歸來，問為甚麼重入紙醉金迷的娛樂圈？她說：「因為我一返嚟，就有好多人搵我登台，我又好鍾意喎！所以咪返嚟囉！」Joey表示重返娛樂圈，突然多了競爭，而這些對手不是資深的演員，而是青春可人的o靚模：「其實返嚟變化唔係好大，係多咗o靚模，係我去搶飯食，不過大家路線唔同，好難比較！」