陳敏之夠高夠氣誇啦啦

    • 小學時曾擔任啦啦隊成員的陳敏之，最近被賽馬會選為超級打氣團隊長，教四位美少女打氣，敏之細心地整理隊衫，還自誇：「小學做過啦啦隊，因為夠高，覺得好威水，好似代表學校出去咁，每逢見到男同學比賽跑步都會嗌得特別大聲。今次就為寶馬冠軍一哩賽打氣，我身手敏捷，一字馬都難唔到我。（咁勁？）我參加過《舞動奇跡》，只係人哋擔心我做唔到，因為之前跌傷咗鎖骨。」

    問到傷勢？敏之表示休息多個月後已完全康復，還表示鎖骨比以前更硬淨，但否認有男友照顧，稍後將開劇，與林峯及楊怡合作，扮演小喬一角。

    敏之（中）被選為啦啦隊隊長，教四位美少女打氣。

    陳敏之身手敏捷，能做一字馬，勝任啦啦隊隊長有餘。