馮寶寶莊諧並重女二號
童星出身的馮寶寶可謂金像獎歷史中，唯一一位能先憑喜劇，再憑劇情片冧莊「最佳女配角」的演員，同時令她當選藝人票選的「女配角中之女配角」。組合農夫成員陸永大讚她在《92黑玫瑰對黑玫瑰》中演技出色：「睇寶寶姐同黃韻詩鬥戲，正到呢！嗰年如果佢兩個一齊攞女配角就好！其實女人有幽默感係好難得，難得寶寶姐可以演劇情片（《新不了情》）令人感動，演喜劇又令人笑到肚痛，我想貼個『最最最佳女配角』Label畀佢！」歐錦棠亦大讚馮寶寶莊諧並重：「細細個已經睇寶寶姐做戲，劇情片同喜劇都難佢唔到，《新不了情》佢做得好精彩，係真正好戲！」
