嘉玲靚靚派Like「神級」曼玉后無來者

在過往29屆《香港電影金像獎》的「最佳女主角」中，封后次數最多的當然是「神級」國際影后張曼玉，連「過氣情敵」劉嘉玲亦坦言「影后中的影后」非曼玉莫屬！

曾五度勇奪金像獎「最佳女主角」的張曼玉，於第9屆金像獎憑《不脫襪的人》（90年）開齋，其後再憑《阮玲玉》（93年）、《甜蜜蜜》（97年）、《宋家皇朝》（98年）及《花樣年華》（01年）揮低一眾好戲之人，榮膺「五冠后」，難怪連「過氣情敵」劉嘉玲在「影后中的影后」選舉中也投她神聖一票：「佢攞過五次金像獎影后，唔揀佢，揀邊個？」而曾是兩屆影后的袁詠儀（靚靚）亦對曼玉的演技「直豎拇指」：「我本來想揀《新不了情》同《金枝玉葉》入面嘅袁詠儀，如果唔可以自己揀自己，我就揀《甜蜜蜜》嘅張曼玉，佢喺套戲嘅演出恰到好處！」

發哥撼贏「梁五帝」

至於「影帝中的影帝」方面，雖然稱帝次數最多的是梁朝偉，但藝人票選的冠軍卻是「我冇做影帝好耐喇！」的周潤發。發哥在第6、7、9屆三度染指「最佳男主角」後，已睽違影帝寶座長達21年，在數量上更被五奪影帝的偉仔拋離，然而發哥的影帝魅力仍歷久不衰。「宇宙最強」甄子丹對他也深表佩服：「發哥戲好，有能力成功塑造角色，令觀眾入腦同入心，求其一部發哥嘅戲都中，好似《英雄本色》佢啲經典對白，我到今時今日都仍然記得！」

克服困難夠專業

而久休復出的夏文汐大讚發哥專業：「我同佢合作過好多次，佢嘅專業態度令我難忘，佢攞影帝啲戲大家識讚，好似佢當年去荷里活拍《安娜與國王》克服語言障礙，將角色發揮得好好，係好唔簡單，佢係名副其實嘅優秀演員！」雖然五屆影帝偉仔在票選中僅敗給「神級」發哥，但亦應感安慰，正如老婆劉嘉玲所說：「梁朝偉好可以代表到香港嘅男演員，我唔係賣花讚花香，佢真係幾優秀！」